RECURSO NUTRIESCOLAS 2 - MÁIS ALÁ DO PRATO

Aproveitamos o recurso de Nutriescolas 2, Máis Alá Do Prato, co obxectivo  de que o alumnado adquirise as habilidades necesarias para realizar eleccións alimentarias saudables como consumidores responsables.

Durante unha semana, todo o alumnado da clase e o profesorado responsable da actividade, guiados por Olivia, que imparte a materia de Bioloxía,  realizou unha análise obxectiva sobre os seus hábitos de consumo alimentario. Para isto, realizamos unha táboa onde anotamos por cada comida do día que alimentos consumimos, cantos residuos xeramos coa súa preparación, elaboración do prato, e prezo estimado. 

Aquí temos varios exemplos de dúas alumnas de 3º de ESO:

ACTIVIDADES FÍSICAS E DEPORTIVAS FORA DO CENTRO

XORNADAS DE SURF E PADDEL SURF

Comezamos o curso cunha agradabe xornada de iniciación e perfeccionamento ao SURF para todo o alumnado de ESO. Estivemos nas praias de Esmelle e O Vilar.

Orgullosos dos nosos nenos e nenas que aproveitaron o día gozando deste fermoso deporte!!!

 

Na Praia de Santa Cristina,  gozaron cunhas clases de Iniciación ao PADDEL SURF nas que aprenderon as técnicas de remada, posicionamento na tabla, na ola e a realizar xiros e surfear coa axuda do remo.

ROTEIROS INTERDISCIPLINARES: ROTEIRO MATEMÁTICO E INSPECCIÓN RÍO SOMEDE

ROTEIRO MATEMÁTICO

O alumnado de ESO gozou dunha mañá especial, na que as clases saíron de paseo.

Os departamentos de Matemáticas, Educación Física e Bioloxía xuntáronse para deseñar unha actividade na que se mesturaron todas as materias.

O roteiro, duns 9 quilómetros, comezou coa saída do instituto ata a famosa Ponte de García Rodríguez (ou dos Ferros).  Alí comezou o traballo matemático, no que a rapazada, armada de móbiles e cinta métrica, tivo que calcular a superficie empedrada na ponte ou o peso dos bancos de pedra da praza da igrexa.

                                

A ruta seguiu despois a carón do Muíño de Alende ata a Fraga de dona Rita e a estatua de Rivera Corral, coñecendo datos curiosos da vila.

Logo fixeron un paseo relaxante ata o encoro da Ribeira,  e despois de cruzar á outra beira do río comezou a observación do medio natural.

Seguiron camiñando ao norte, á beira do encoro, ata o Rego do Inferno coñecendo algúns, un novo atractivo do seu concello.

E, mentres camiñaban, examinaban a contorna para completar un divertido bingo no que debían usar os seus sentidos para buscar plantas aromáticas, animais predadores e moito máis...

ROTEIRO E INSPECCIÓN DE RÍO- FERVENZA DE SOMEDE

Esta fermosa ruta polo río do Campo e a cola do embalse do Eume, tivo como obxectivo realizar unha inspección e análise da auga do río e traballar o aprendido nas aula con respecto ás técnicas de análise xeográfica rexional, procesos erosivos, aproveitamentos hidroeléctricos e potencialidades e conflitos entre os usos tradicionais e modernos nos espazos rurais.

A idea é aunar as aprendizaxes das diferentes áreas e materias ao tempo que realizamos exercicio físico

 

CHARLAS DE ALIMENTACIÓN E NUTRICIÓN

 

Despois de detectar moita inquietude, algún comportamento pouco saudable e moitas ganas de saber máis sobre alimentación saudable, decidimos recurrir a unha persoa que sabe moito do tema, Conchi Fernández, especializada en TCA, trastornos da conducta alimentaria, que  impartiu ao alumnado de ESO unha charla fundamental sobre alimentación e nutrición.

Podedes seguir a Conchi en: https://midietaesmia.com/

 

ALMORZOS TEMÁTICOS E INTERDISCIPLINARES- GRECOLATINO- HEALTHY

Ao longo deste curso contamos con propostas de almorzos saudables temáticos, nos que o alumnado se animou a estudiar e preparar pratos consecuentes co que investigaron e ofrecéndollos no recreo a toda a comunidade educativa. Foi toda unha experiencia!

ALMORZO GRECOLATINO

Desde o departamento de Latín, o alumnado de 4º de ESO guiado pola súa titora Ana Belén Puente, meteuse na cociña para recrear por un día a actividade DE RE COQUINARIA (Cociña Romana).

Fixeron receitas saudables de orixe romana: Moretum e Tapenade con ingredientes como olivas, queixo, allo, aceite....

 

 

ALMORZO HEALTHY

Delicioso Almorzo preparado polo alumnado de 3º de ESO en colaboración con Olivia, profe de Bioloxía. Empregaron ingredientes variados como froitas, cereais, iogurt, pan, xamón serrano, aguacate..... O seu obxectivo é o fomento da alimentación saudable entre a mocidade. Esta actividade está incluída no programa de innovación educativa EDUSaúde, e no plan Proxecta de hábitos de vida saudables Alimentate ben

 

 

MANTEMOS O NOSO HORTO URBANO

Este ano seguimos a traballar o noso pequeno pero completo e mimado horto urbano.

Recordamos que a iniciativa desta actividade partíu inicialmente da profesora de francés e gran parte do alumnado de 2º de ESO. A creación do hoto foi moi produtiva xa que se traballaron de forma transversal aspectos de ecoloxía, bioloxía, coidado do medio ambiente e a mellora da competencia lingüística, neste caso en francés.

Profesorado e alumnado doutros departamentes se uniron ao proxecto, incluso dende Ciclos formativos, en concreto Soldadura ofreceu a súa colaboración para varias tarefas como a montaxe de canalóns para os amorodos.

Como en cursos pasados, o alumnado preparou a terra, plantou, regou, coidou e recolleu os froitos.

 

 

COMPOSTEIRO CON RESTOS DOS ALMORZOS

Aproveitando que temos restos da froita a diario, decidimos seguir a utilizalos para abonar o noso horto e, que mellor maneira, que utilizar o  composteiro, co fin de comprobar o doado que é facer uso dos restos de refugallo para crear vida.

ANDAINAS DIARIAS E ACTIVIDADES DEPORTIVAS NOS RECREOS

Dado que a realización de actividade física diaria está recomendada por todas as autoridades que velan pola saúde, porque a consideran o complemento perfecto para levar a cabo un verdadeiro programa de Hábitos de vida saudable, continuamos un ano máis a realización voluntaria de 1 km diario por parte de toda a comunidade educativa.

Ademais de xogar ao fútbol e baloncesto, como vén sendo habitual tamén nos recreos, este ano o noso alumnado decantouse polo ping pong e a tradicional comba.

PEZA-OBRA PARA A RECOLLIDA DE PLÁSTICOS

OBRADOIRO: TI SI QUE ES UN BO PEIXE

O noso alumnado de 3º de ESO, realizou  unha  visita a Ferrol, que comezou no PORTO, facendo un percorrido para coñecer as embarcacións e as artes de pesca.

Achegáronse ao edificio da LONXA, onde viron como é o proceso de clasificación, pesado e poxa do peixe e aprenderon a importancia da etiqueta para os produtos da pesca. No mesmo edificio, estaba a pequena DEPURADORA da Confraría, onde observaron o proceso de depuración dos moluscos bivalvos.

Continuaron o  percorrido ata o MERCADO DA MAGDALENA, onde contemplaron a fachada de “La Pescadería”, edificio de estilo modernista,  obra do arquitecto Rodolfo Ucha que data de 1910. No seu interior atópanse unha gran variedade de peixes e mariscos nos diferentes postos, identificando as especies e falando coas/os praceiras/os para que os informaran dos prezos, da forma de preparar o peixe e da frescura.

Ao remate entregáronlles a cada participante unha bolsiña con merendas realizadas a base de peixe, a sobremesa e auga.

Esta actividade é complementaria ao Plan Proxecta de Hábitos de Vida Saudables.

 

 

LEITE E FROITA FRESCA

 Ao igual que o curso pasado, o noso centro participa no programa de "Leite e Froita fresca" o que complementa o noso proxecto de hábitos saudables. 

Optamos polo consumo de leite fresco procedente dunha granxa (Granxa Romero), que nos proporciona leite certificado galego e de calidade (Leite Bohal), que ademais cumpre co noso empeño por traballar co consumo local. 

Do mesmo xeito, a froita foi mercada na froitería local de Mari Carmen, que nos ofrecía unha froita de moi boa calidade.

ALMORZOS SAUDABLES COMO HÁBITO DIARIO

Este curso retomamos con moito interese por parte do alumnado os almorzos saudables nos recreos.

Os produtos máis demandados son: pan artesán, aceite de oliva virxe extra, tomate, aguacate, iogur, arandos, cereais, froita de tempada..., en fin, aceptamos todas aquelas propostas sans que nos facía calquera membro da comunidade educativa. Ademais seguimos a insistir no consumo de produtos locais ou polo menos do país. 

Xa temos comprobado despois de todos estes anos, que a mellor maneira de crear un hábito nos almorzos é realizándoos a diario.

Este ano seguimos a buscar formas diversas e creativas de consumir a froita, polo que o alumnado optou por preparar ricas macedonias; brochetas; batidos de froitas ás que en ocasións engadían cereais, leite fresco ou iogur; crêpes, ás que engadían tamén froitas, queixo; tostas con aceite, tomate e aguacate, etc.

 

 

INICIACION AO RUGBY

Carla da Silva, adestradora do Club de Rugby Fendetestas e Joel Carballeira, levaron a cabo unhas divertidas sesións de  promoción  e introdución ao RUGBY  para todos os crusos da ESO.

Foi un provilexio descubrir un pouqiño mellor os segredos que encerra este fermoso deporte.

 

 

MASTER CLASS DE ZUMBA

O alumnado de ESO participou nunha MASTER CLASS DE ZUMBA impartida por Lucía Lombardía do cenrtro deportivo Danceo de Vegadeo.