OBRADOIRO FAI CLICK AO TEU BOCATA

,

 Todo o alumnado de ESO,  separado por grupos tal e comorecomendan as circuntancias pandémicas que estamos a vivir,  participou no obradoiro FAI CLICK AO TEU BOCATA, unha actividade complementaria do programa Aliméntate Ben. Nel, no que aprenderon outra maneira de facer bocatas de xeito con produtos de mar e terra.

 

HORTO URBÁN NO IES PLURILINGÜE CASTRO DA UZ

Por iniciativa de Patricia Valdivieso, a profe de Francés, comezamos a planificar a creación dun pequeno horto urbán.

Este proxecto resultou tan atractivo, que foron moitas as que se sumaron a el, aportando cada persoa o seu granciño de area. O alumnado entusiasmado e  o profesorado que se uníu, procedía de materias ben variopintas, Automoción, Informática, Bioloxía...ata acabaron liando a Ángel da cafetería ou a Pepe, o conserxe da tarde...

O proceso foi máis longo do que podería parecer, escoller o lugar axeitado, o formato (ao final optouse por bancadas), as sementes, ferramentas...

Deixámosvos un resumo fotográfico dalgúns dos momentos máis importantes:

Peparando a terra:

Plantando:

O resultado dun bo traballo:

Por suposto a profe de francés aproveitou a actividade para traballar os nomes das plantas en francés, pero, dado que somos un centro Plurilingüe, decidiuse crear carteis cos nomes das plantas en varios idiomas, inglés, francés, español e galego.

A experiencia gustou tanto que para o ano haberá que ampliar o terreo cultivado 😊

APRENDEMOS A EMPREGAR A APP EL COCO (El Consumidor Consciente)

Neste curso ensinamos ao noso alumnado a manexar unha interesante aplicación  que ten como obxectivo fomentar un consumo mais consciente. 

                      

A calidade nutricional dos produtos de alimentación pode ser moi diferente do que contan os embalaxes e a publicidade.

Con ela aprendimos a escanear os códigos de barras dos produtos que cada  persoa da comunidade educativa elexíu con El CoCo para identificar os alimentos que realmente son bós para a nosa saúde.

CONFIRMAMOS O ÉXITO NA ADQUISICIÓN DUN HÁBTO GRAZAS AOS NOSOS ALMORZOS SAUDABLES

Como era de esperar, un ano máis os almorzos saudables do Castro da Uz, son todo un éxito.

O noso alumnado demanda os pans locais, a ser posible en porcións tostadas, e con aceite de oliva virxe extra.

A froita tamén comeza a gustar, a media mañá refresca o noso corpo e cerebro.

Ao iogur non lle dicimos tampouco que non, especialmente se vén acompañado de arandos.

 

 

 

 

 

ENQUISA HÁBITOS ALIMENTARIOS DO ALUMNADO IES PLURILINGÜE CASTRO DA UZ

 Este ano comezamos a traballar no proxecto de Hábitos de vida saudable partindo dunha enquisa realizada a todo o alumnado do centro.

Presentamos aquí os resultados da mesma.

Resultados enquisa

LIXO- NATUREZA- CONCURSO DE FOTOGRAFÍA

Unha vez máis, escollemos un tema deses que nos fan reflexionar sobre a vida e o noso entorno, para o concurso de fotografía.

 

 

Tivemos a sorte de contar con fotografías realmente interesantes e que veñen a demostrar o grao de concienciación da nosa comunidade educativa.

 

Pero como isto era un concurso, tivemos que escoller, polo que as fotografías gañadoras foron:

 

 

 

 

INSPECCIÓN RÍO MADALENA

Para sentirnos ben é preciso comer ben, facer exercicio e coidar o noso entorno.

Estamos convencidos e convencidas de que só coñecendo o que temos, podemos valoralo e aprender a coidalo.

O que comemos, o que respiramos, o que vemos, todo o que nos rodea é un mundo do que nos temos que sentir responsables na nosa medida. É por iso que decidimos realizar con ADEGA (Asociación para a Defensa Ecolóxica de Galicia), unha inspección medioambiental dun río, neste caso tratouse do río Madalena ao seu paso por Vilalba. 

Esta actividade enmárcase no Proxecto Ríos, financiado por Augas de Galicia. É unha iniciativa de concienciación, educación e participación cidadá en defensa dos nosos ríos. 

Estudamos a flora e fauna do río (vimos e aprendemos a distinguir un montón de invertebrados, peixes, anfibios...)

Examinamos a temperatura da auga, o seu PH, a súa concentración de nitratos...

E puidemos asegurar con satisfacción que se trata dun río en moi bo estado.

 

Teremos que pensar en investigar outros ríos e establecer un plan de limpeza...esperamos ter ocasión de facelo na vindeira primavera.

SAMAIN E MAGOSTO

Unha festa como esta non podemos perdérnola!!!.

Como en edicións anteriores contamos con relatos de medo, cabazas decoradas e cestas de outono.

Pero o que nos ocupa agora é o que comemos e, como non podía ser doutro modo, ANPA Ronsel convidounos ás tradicionais e ricas castañas da nosa zona, que xunto cuns bolos preñados fabricados nunha panadería das Pontes, permitiu gozar dun Samain particular, con medidas un pouco estritas e distrubuidos por cursos en distintas franxas horarias en zonas.

Aquí vai unha pequena mostra do que nos deixou ese día.

Almorzos saudables 2020-2021

Damos comezo a un novo curso 2020-2021 saudable!!!

Neste novo curso non podemos esquecer máis que nunca, que unha boa alimentación e exercicio físico, son as bases para poder conbatir ao Coronavirus con todas as nosas forzas.

Elena xa nos sacou fóra do centro a facer algunha camiñata na hora de Educación Física.

Agora toca retomar os almorzos saudables: Pan artesán, aceite de oliva virxe extra, froita..., menudo éxito están tendo estes produtos sans e fabricados na medida do posible en local ou polo menos no noso país.

EXERCICIO NA CASA

Dadas as circunstancias deste último trimestre do curso, polo Día da Educación Física, que se celebra o día 28 de Abril, propusemos ao noso alumnado que nos mostrase como seguía facendo exercicio diario na casa. Estamos orgullosos do seu  traballo que vos mostramos no seguinte vídeo. 

CHANZOS FALADEIROS: IMOS VER COMO QUEDARON!!!

Como xa vos contamos, a nosa idea era decorar os chanzos do noso insti con frases que reflictiran as ideas que foron xurdindo ante unha pregunta moi sinxela "Que podo facer eu para cuidar o meu planeta?" 

A pregunta era sinxela, pero as respostas houbo que meditalas ben, posto que se trataba de ofrecer ideas que poidésemos levar a cabo no día a día.

Despois de seleccionar as propostas de toda a comunidade educativa, decidimos dar un paso máis e, posto que somos un centro plurilingüe, traballamos a tradución das mesmas ao Inglés e o Francés. 

O resultado, como podedes ver son chanzos que falan tres idiomas e que nos dan bos consellos sobre como actuar nas nosas casas, no noso insti, na nosa vila...

OBRADOIRO CONSELLERÍA DO MAR: PONLLE AS PILAS AO TEU BOCATA

O alumnado de ESO e FP Básica participou no noso centro nun orixinal obradoiro: “Ponlle as pilas ao teu bocata”, unha actividade complementaria dentro do programa Aliméntate Ben.

Nel aprenderon moitas ideas novas para facer bocatas doutra forma máis saudable e aproveitando as conservas e os produtos do mar.

Dende a sociedade galega estase a percibir con fonda preocupación o escaso interese que os nenos e nenas da nosa comunidade demostran polo consumo de peixe. A Consellería do Mar, consciente desa realidade, deseña actuacións que perseguen, entre outros obxectivos, o de incidir e equilibrar as dietas alimenticias, fundamentalmente nas idades infantil e xuvenil, así como valorizar e fomentar os produtos da pesca e a acuicultura de Galicia.

A campaña estivo deseñada pola Consellería do Mar coa colaboración das Consellerías de Cultura, Educación e Ordenación Universitaria, a de Sanidade e ANFACO-CECOPESCA, para por de relevo unha das múltiples virtudes das conservas de produtos do mar: o seu valor como fonte de enerxía. Unha enerxía asociada á forza, vitalidade, crecemento, pero tamén xogo e diversión.

O obradoiro contemplou actividades informativas, xogos e, especialmente, unha actividade de elaboración de bocatas a base de conservas.

CONCURSO ELABORACIÓN DE CREPES

O 2 de febreiro e o día da Candelaria, tamén coñecida polo seu nome orixinal no francés Chandeleur.  Nesta festa pertencente ao país galo acéndense velas (Chandelles) nas casas e cómense crêpes en familia o entre amigos.... E para conmemoralo, os nosos alumnos convertéronse en excelentes cociñeiros.

Coñeceron as propiedades nutricionais a la vez que pasaron un rato moi divertido.